Today:

രാഷ്ട്രീയക്കാരന്റെ തൊഴിലെന്താണ്‌?

Posted by Shaji Puthiyapurayil2

(ഇതൊരു പഴയ കഥയാണ്.പുതിയ കാലത്തെ രാഷ്ട്രീയക്കാർ ഇത് കേട്ട് ചിരിക്കും)
വിയറ്റ്‌നാമിന്റെ പ്രസിഡന്റായിരിക്കെ ഹോച്ചിമിന്‍ ഇന്ത്യയില്‍ സന്ദര്‍ശനത്തിനെത്തി. കമ്യൂണിസ്‌റ്റ് പാര്‍ട്ടി നേതാക്കളടക്കം എല്ലാ പാര്‍ട്ടി നേതാക്കളുടെയും പ്രതിനിധിസംഘങ്ങള്‍ ഡല്‍ഹിയില്‍ അദ്ദേഹത്തെ കാണാന്‍ ചെന്നു.

അവരോട്‌ ഹോച്ചിമിന്‍ ചോദിച്ചു.

”നിങ്ങളുടെ തൊഴിലെന്താണ്‌?”

”രാഷ്‌ട്രീയം?”

നേതാക്കള്‍ മറുപടി പറഞ്ഞു.

”മുഖ്യമായും നിങ്ങള്‍ എന്തിലാണു വ്യാപൃതരായിരിക്കുന്നത്‌?”

ഹോച്ചിമിന്‍ വീണ്ടും ചോദിച്ചു.

”രാഷ്‌ട്രീയപ്രവര്‍ത്തനത്തില്‍.”

നേതാക്കളുടെ ഈ മറുപടി കേട്ടപ്പോള്‍ വിയറ്റ്‌നാം നേതാവ്‌ വീണ്ടും ചോദിച്ചു.

”അല്ല, ഞാന്‍ ചോദിക്കുന്നതു നിങ്ങളുടെ ഉപജീവനമാര്‍ഗം എന്താണെന്നാണ്‌?”

ആ ചോദ്യത്തിനു മുമ്പില്‍ ലജ്‌ജയോടെ തലതാഴ്‌ത്താനേ അവര്‍ക്കു കഴിഞ്ഞുള്ളൂ.

അപ്പോള്‍ ഹോച്ചിമിന്‍ പറഞ്ഞു.

”മുഖ്യമായും ഞാനൊരു കൃഷിക്കാരനാണ്‌. അതിരാവിലെ എണീറ്റു ഞാന്‍ കൃഷിപ്പാടത്തു പോകുന്നു. ഏതാനും മണിക്കൂര്‍ എന്റെ കൃഷിയിടത്തില്‍ പണിയെടുത്ത ശേഷമാണു ഞാന്‍ പ്രസിഡന്റിന്റെ കര്‍ത്തവ്യങ്ങള്‍ നിര്‍വഹിക്കാന്‍ ദിവസവും ഓഫീസിലേക്കു പോകുന്നത്‌.”

അങ്ങനെയുള്ള രാഷ്‌ട്രീയക്കാരുടെ കാലം ഇന്ത്യയിലും വരുമോ? ടാറ്റാ റിസര്‍ച്ച്‌ ഇന്‍സ്‌റ്റിറ്റ്യൂട്ട്‌ വര്‍ഷങ്ങള്‍ക്കുമുമ്പു നടത്തിയ പഠനത്തില്‍ വെളിപ്പെടുത്തിയതു രാഷ്‌ട്രീയം ഉപജീവനമാര്‍ഗമാക്കിയ ആറുലക്ഷം പേര്‍ നമ്മുടെ രാജ്യത്തുണ്ടെന്നാണ്‌.

622 total views, 5 views today

Tags

Leave Comment |

2 Comments

  • ജോജോ

    രാവിലെ മുതല്‍ വൈകിട്ട് വരെ എട്ടുപത്തു ചാനല്‍ മാറി മാറി കണ്ടിട്ട്, പിടിച്ചു പറി, മോഷണം,കൊല,തട്ടിപ്പ്, ബലാല്‍സംഗം,തീ പിടുത്തം,വണ്ടി അപകടം,പാലം പൊളിഞ്ഞു……….അങ്ങനെ അങ്ങനെ കുറെ എന്തോകെയോ..?? നല്ലത് പറഞ്ഞതും ചെയ്തതും മാത്രം ഒരിടത്തും കണ്ടില്ല, കേട്ടില്ല,,,…….വാഴ്വേ മായം…!!

  • my village

    രാഷ്ട്രീയ പ്രവര്‍ത്തനം പരിശുദ്ധമായ ഒരു സാമൂഹ്യ സേവനമായി കണ്ടിരുന്ന ഇന്നലകള്‍ നമുക്കിന്നു സുന്ദരമായ ഓര്‍മ്മ മാത്രമാണ്. രാഷ്ട്രീയ പരിശുദ്ധി കേവലം ചാനല്‍ ചര്‍ച്ചകളിലെ നേരം പോക്ക് മാത്രമായി പരിണമിച്ചു .അനാവശ്യമായ സമരങ്ങളും നിഴല്‍ യുദ്ധങ്ങളും നടത്തി നാടിനെ എങ്ങോട്ടാണ് ഇവര്‍ കൊണ്ടു പോയത്.രാഷ്ട്രീയ സമരങ്ങളുടെ പോസ്റ്റ്‌ മോര്‍ട്ടം നടത്തിയാല്‍ നമുക്കു ഒരു കാര്യം ബോദ്ധ്യമാവും.എല്ലാം ഒരു രാഷ്ട്രീയ നാടകമായിരുന്നു. രാഷ്ര്ടീയ നാടകങ്ങളുടെ അകപ്പൊരുള്‍ തേടിയുള്ള അന്വേഷണങ്ങള്‍ നമ്മെ ചെന്നെത്തിക്കുക രാഷ്ട്രീയക്കാരന്റെ തൊഴിലെന്താണ് എന്ന അര്‍ത്ഥമുള്ള ചോദ്യങ്ങളിലേക്കാണ്.എപിയുടെ ചോദ്യം ന്യായവും പ്രസക്തവുമാകുന്നത് വാര്‍ത്ത‍മാനകാല രാഷ്ട്രീയ സ്ഥിതിഗതികള്‍ വിലയിരുത്തുബോളാണ് .

Leave a Reply

Your email address will not be published. Required fields are marked *

(required)
(required)

A- A A+

Options

Layout type:

liquidfixed

Layout color: